🔥 ‘रामरक्षा’वरून राजकीय रणसंग्राम! संजय राऊतांच्या पत्राला नितेश राणेंचा जोरदार पलटवार; फेसबुकवरूनच रंगले ‘पत्रयुद्ध’

“रामाच्या नावाने राजकारण बंद करा!”– राणेंचा राऊतांना थेट इशारा; सोशल मीडियावर राजकीय आरोप-प्रत्यारोपांची🔥ठिणगी

मुंबई | जनता प्रभाव न्यूज-: मुख्यमंत्री देवेंद्र फडणवीस यांना ‘रामरक्षा’ उपक्रमासाठी खुले निमंत्रण देत राज्यसभा खासदार संजय राऊत यांनी फेसबुकवर पत्र प्रसिद्ध केल्यानंतर महाराष्ट्राच्या राजकारणात नवे वादळ उठले आहे. या पत्राला अवघ्या काही तासांत मत्स्यव्यवसाय व बंदरे मंत्री नितेश राणे यांनीही फेसबुक पोस्टद्वारे सडेतोड उत्तर देत राजकीय संघर्ष अधिक तीव्र केला आहे. १६ जुलै २०२६ रोजी प्रसिद्ध केलेल्या पत्रात नितेश राणे यांनी संजय राऊत यांच्यावर थेट आणि कठोर शब्दांत टीका केली आहे. “रामाच्या नावाने राजकारण बंद करा”, असे आवाहन करत त्यांनी रामजन्मभूमी आंदोलन, हिंदुत्व आणि मुख्यमंत्री देवेंद्र फडणवीस यांच्या भूमिकेचा उल्लेख केला आहे. तसेच राऊत यांनी केलेल्या वक्तव्यांवर तीव्र आक्षेप नोंदवत अनेक राजकीय प्रश्नही उपस्थित केले आहेत. विशेष म्हणजे, दोन्ही नेत्यांनी आपापली पत्रे अधिकृत फेसबुक पोस्टद्वारेच सार्वजनिक केल्याने हा वाद आता सोशल मीडियावरही चांगलाच पेटला आहे. समर्थक आणि विरोधकांकडून या पत्रांवर जोरदार प्रतिक्रिया उमटत असून, राजकीय वातावरण तापू लागले आहे.

अधोरेखित…

▶️ संजय राऊतांचे खुले पत्र… नितेश राणेंचे खुले प्रत्युत्तर!

▶️ ‘रामरक्षा’ उपक्रमावरून राजकीय संघर्षाला नवे वळण.

▶️ फेसबुकवरूनच आरोप-प्रत्यारोपांचा नवा अध्याय सुरू.

▶️ महाराष्ट्राच्या राजकारणात ‘पत्रयुद्धाची’ जोरदार चर्चा.

या दोन्ही पत्रांमधील मांडणी ही संबंधित नेत्यांची राजकीय भूमिका असून, त्यातील आरोप-प्रत्यारोपांबाबत संबंधित पक्षांकडून वेगवेगळ्या भूमिका मांडल्या जात आहेत. या पत्रयुद्धानंतर महाराष्ट्राच्या राजकारणात पुढे कोणते पडसाद उमटतात, याकडे आता सर्वांचे लक्ष लागले आहे.

जनता प्रभाव न्यूज–आवाज लोकशाहीचा… प्रभाव जनतेचा!