🔥 ‘राम’ नावाने राजकारणात नवा ट्विस्ट? कट्टर विरोधक संजय राऊतांचे मुख्यमंत्री देवेंद्र फडणवीसांना फेसबुकवरून खुले निमंत्रण; महाराष्ट्राच्या राजकारणात चर्चांचा स्फोट!

“प्रिय देवेंद्रजी, अवश्य यावे…” – संजय राऊतांची फेसबुक पोस्ट व्हायरल; आता सर्वांचे लक्ष मुख्यमंत्र्यांच्या निर्णयाकडे

मुंबई | जनता प्रभाव न्यूज-: महाराष्ट्राच्या राजकारणात एकमेकांवर सातत्याने टीकेची झोड उठवणारे ठाकरे गटाचे राज्यसभा खासदार संजय राऊत यांनी मुख्यमंत्री देवेंद्र फडणवीस यांना उद्देशून फेसबुकवरून खुले निमंत्रण दिल्याने राज्याच्या राजकारणात नव्या चर्चांना उधाण आले आहे. राऊत यांनी आपल्या अधिकृत फेसबुक पोस्टमध्ये “प्रिय देवेंद्रजी, अवश्य यावे… आम्ही आपल्या स्वागतास उत्सुक आहोत. जय महाराष्ट्र!” असा संदेश देत ‘रामरक्षा’ उपक्रमाचे निमंत्रणपत्र सार्वजनिक केले. पत्रात मुख्यमंत्री फडणवीस यांचा रामभक्त, हिंदुत्ववादी नेता असा उल्लेख करत १८ जुलै २०२६ रोजी नागपूर येथे आयोजित ‘रामरक्षा’ उपक्रमात उपस्थित राहण्याचे आवाहन करण्यात आले आहे.

अधोरेखित…

➡️ कट्टर राजकीय विरोधकाकडून मुख्यमंत्र्यांना सार्वजनिक निमंत्रण!

➡️ फेसबुक पोस्टमुळे राजकीय वर्तुळात तर्क-वितर्कांना उधाण.

➡️ राजकारणापलीकडे जाऊन संवादाचा प्रयत्न की नवा राजकीय संदेश?

➡️ मुख्यमंत्री फडणवीस निमंत्रण स्वीकारणार का? सर्वांचे लक्ष त्यांच्या भूमिकेकडे.

राजकीय कटुता, आरोप-प्रत्यारोप आणि वैचारिक संघर्षाच्या पार्श्वभूमीवर आलेली ही फेसबुक पोस्ट केवळ निमंत्रण आहे की त्यामागे मोठा राजकीय संदेश दडलेला आहे, याची चर्चा आता राज्यभर रंगू लागली आहे. मात्र, मुख्यमंत्री देवेंद्र फडणवीस या निमंत्रणाला प्रतिसाद देणार की नाही, याबाबत अद्याप कोणतीही अधिकृत माहिती समोर आलेली नाही.

जनता प्रभाव न्यूज-आवाज लोकशाहीचा… प्रभाव जनतेचा!