🔴 संविधानाच्या समतेवर घाला घालणाऱ्यांना जनता माफ करणार नाही!

🔴 संविधानाच्या समतेवर घाला घालणाऱ्यांना जनता माफ करणार नाही!

जातींचे उपवर्गीकरण तात्काळ रद्द करा; अन्यथा महाराष्ट्रभर उग्र जनआंदोलन उभे राहील

डॉ. बाबासाहेब आंबेडकरांच्या विचारांशी गद्दारी करणाऱ्या सरकारला सकल मागासवर्गीय समाजाचा इशारा

— संत रोहिदास नवपरिवर्तन सेना अध्यक्ष तथा रिपब्लिकन पक्ष (खोरिपा) महाराष्ट्र प्रदेश सचिव ईश्वर विलासराव ताथवडे

मुंबई | जनता प्रभाव प्रतिनिधी

राज्यात राबविण्यात येत असलेल्या जातींच्या उपवर्गीकरणाच्या हालचालींवर संतप्त प्रतिक्रिया व्यक्त करत संत रोहिदास नवपरिवर्तन सेना चे अध्यक्ष तथा रिपब्लिकन पक्ष (खोरिपा) महाराष्ट्र प्रदेश सचिव ईश्वर विलासराव ताथवडे यांनी सरकारवर अत्यंत तीव्र शब्दांत हल्लाबोल केला आहे.

“भारतरत्न डॉ. बाबासाहेब आंबेडकर यांनी भारतीय संविधानाद्वारे देशातील प्रत्येक घटकाला समानतेचा आणि सामाजिक न्यायाचा अधिकार दिला. त्या पवित्र संविधानिक समतेला तडा देण्याचे पाप आजचे सरकार करत आहे. जातींचे उपवर्गीकरण हा केवळ प्रशासकीय निर्णय नसून समाजात जाणीवपूर्वक दुभंगता निर्माण करून उच्च-नीचतेची विषारी भिंत उभी करण्याचा कट आहे. लोकशाहीच्या मुळावर घाव घालून हुकूमशाही लादण्याचा हा अत्यंत धोकादायक आणि केविलवाणा प्रयत्न आहे,” असा संतप्त आरोप ताथवडे यांनी केला.

ते पुढे म्हणाले की, डॉ. बाबासाहेब आंबेडकरांनी दिलेल्या समता, बंधुता आणि न्यायाच्या तत्वांवर घाला घालून सरकार सामाजिक संघर्ष पेटविण्याचे काम करत आहे. मागासवर्गीय समाजात कृत्रिम फूट पाडून काहींच्या राजकीय स्वार्थासाठी संविधानिक मूल्यांची हत्या करण्याचा हा प्रयत्न असल्याचा गंभीर आरोप त्यांनी केला.

“जर सरकारने हा संविधानविरोधी निर्णय तात्काळ मागे घेतला नाही, तर महाराष्ट्रातील सकल मागासवर्गीय समाज रस्त्यावर उतरून तीव्र जनआक्रोश उभा करेल. जिल्हा ते मंत्रालय स्तरापर्यंत मोर्चे, धरणे, रास्तारोको आणि उग्र लोकशाही आंदोलन छेडण्यात येईल. संविधानाशी गद्दारी करणाऱ्यांना जनता त्यांच्या जागी बसविल्याशिवाय राहणार नाही,” असा कडक इशारा त्यांनी दिला.

ताथवडे यांनी स्पष्ट शब्दांत सांगितले की, सरकारने सामाजिक समतेशी खेळ करणे तात्काळ थांबवावे. अन्यथा निर्माण होणाऱ्या असंतोषाची आणि जनतेच्या उद्रेकाची संपूर्ण जबाबदारी सरकारवर राहील.

संविधानावर घाला घालणाऱ्यांना इतिहास माफ करणार नाही;

समतेच्या रक्षणासाठी संघर्ष आता निर्णायक टप्प्यात!”

📞 संपर्क : 9967999300

जनता प्रभाव साप्ताहिक | आवाज लोकशाहीचा!! प्रभाव जनतेचा!!!